உதவி தேவை

Posted by: என். சொக்கன் on: April 7, 2010

• In: Announcements | Help | Uncategorized
• 9 Comments

நண்பர்காள், உங்களிடம் ஒரு சின்ன உதவி.

என்னுடைய நண்பர் திரு. முத்துராமன் (நல்ல எழுத்தாளர், பத்திரிகையாளர், முன்பு ‘கிழக்கு’ பதிப்பகத்தில் வேலை செய்துகொண்டிருந்தார். இப்போது ஒரு வார இதழில் பணிபுரிகிறார். ‘சதுரங்கக் குதிரைகள்’ என்பது இவருடைய முக்கியமான சிறுகதைத் தொகுப்பு) தற்போது இரண்டு சிறுநீரகங்களும் பாதிக்கப்பட்டுள்ள நிலையில் போரூர் ஸ்ரீராமச்சந்திரா மருத்துவமனையில் சிகிச்சை பெற்றுவருகிறார். கடந்த நான்கைந்து மாதங்களாக நண்பர்கள் உதவியுடன் அவருக்கு ‘டயாலிசிஸ்’ சிகிச்சை தொடர்ந்துவருகிறது. அடுத்த ஒன்றிரண்டு மாதங்களுக்குள் சிறுநீரக மாற்று அறுவைச் சிகிச்சை செய்ய வேண்டியிருக்கும் என்று தெரிகிறது.

முத்துராமனின் தாயாரே அவருக்கு மாற்றுச் சிறுநீரகம் வழங்க முன்வந்துள்ளார். இந்தச் சிகிச்சைக்காக மதிப்பிடப்பட்டுள்ள செலவு சுமார் நான்கு முதல் ஆறு லட்சம். அதன்பிறகும் அவர் மாதம் சுமார் பத்தாயிரம் ரூபாய் மதிப்பிற்கு மருந்துகளை உட்கொள்ளவேண்டியிருக்கும் என்று தெரிகிறது.

முத்துராமனின் குடும்பம் இந்தத் திடீர் செலவைத் தாங்கும் பொருளாதார நிலையில் இல்லை. அறுவைச் சிகிச்சைக்காக டிரஸ்ட்டுகள் மூலம் உதவித் தொகை பெற முத்துராமன் முயன்று வருகிறார். தங்களுக்கு அதுபோல் ஏதாவது டிரஸ்ட்டுகளில் தொடர்பு இருந்தால் தெரிவித்து உதவவும்.

இதுதவிர, இந்த அறுவைச் சிகிச்சைக்காக உங்களால் இயன்ற பண உதவியைச் செய்யுமாறு வேண்டுகிறேன். அடுத்த சில வாரங்களுக்குள் போதுமான தொகை திரட்டப்பட்டால் உடனடியாக அறுவைச் சிகிச்சைக்கு ஏற்பாடு செய்துவிடலாம்.

நல்லவர்களைக் காலமோ, கடவுளோ கைவிடமாட்டார்கள் என்பது என் நம்பிக்கை. முத்துராமன் யாருக்கும் கெடுதல் நினைக்காத மென்மையான மனிதர். அவருடைய உடல் நலம் பெற உங்களுடைய பிரார்த்தனைகளையும், உங்களால் இயன்ற உதவிகளையும் எதிர்பார்க்கிறேன்.

இதுதொடர்பாக ராமச்சந்திரா மருத்துவமனையில் கொடுக்கப்பட்டுள்ள கடிதம் இங்கே உள்ளது: http://www.2shared.com/file/12471462/249f04d7/Operation_Lr_SRMC_for_Muthuram.html

நீங்கள் முத்துராமனுக்கு உதவ விரும்பினால் கீழ்கண்ட வங்கி எண்ணுக்கு நேரடியாகப் பணம் அனுப்பலாம். அல்லது, MUTHURAMAN. M என்ற பெயரில் செக் அல்லது டிடியைக் கீழுள்ள முகவரிக்கு அனுப்பலாம் அல்லது, கிழக்கு பதிப்பகத்தில் உள்ள நண்பர் முகிலுக்கு அனுப்பலாம். அந்த முகவரியும் கீழே தந்துள்ளேன்.

முத்துராமனுடைய வங்கிக் கணக்கு எண்:

SBI Mogappair Branch: A/c No: 30963258849
Branch Code :  5090
MICR No: 600002118
IFS Code : SBI 0005090

முத்துராமன் முகவரி :

எம். முத்துராமன்,
C/o எம். கோமதி,
22, எச்.ஐ.ஜி. ப்ளாட்,
7வது தெரு, ஏரித்திட்டம்,
முகப்பேர் மேற்கு,
சென்னை – 600037.

முகில் முகவரி :

முகில்
கிழக்கு பதிப்பகம்
33/15, எல்டாம்ஸ் சாலை,
ஆழ்வார்பேட்டை,
சென்னை – 15.
செல் – 99400 84450.

இதுகுறித்து மேலதிக விவரம் ஏதும் தேவையானால் இங்கே பின்னூட்டம் இடவும். அல்லது nchokkan@gmail.com என்கிற முகவரிக்கு எழுதலாம். நீங்கள் வலைப்பதிவு எழுதுபவராக இருந்தால் இந்தச் செய்தியை உங்கள் வலைப்பதிவில் வெளியிட்டு, அல்லது நண்பர்களுக்கு forward செய்து உதவலாம். அனைவருக்கும் அட்வான்ஸ் நன்றிகள்.

***

என். சொக்கன் …
07 04 2010