மனம் போன போக்கில்

ட்விட்டர் என்ன புதுசா?

Posted on: October 1, 2012

திருச்சி பயணத்தின்போது புதிதாக அறிமுகமான நண்பர் ஒருவரிடம் பேசிக்கொண்டிருந்தேன். வழக்கம்போல் அவரிடம் ட்விட்டர் பற்றிச் சிலாகித்தேன், ‘எதையும் 140 எழுத்துகளுக்குள் எழுதிப் பழகறது ரொம்ப நல்ல பயிற்சி சார்’ என்றேன். ‘வெறுமனே எண்ணி, அதாவது சிந்திச்சு எழுதினாப் போதாது, எழுத்துகளை 1, 2ன்னு எண்ணி எண்ணி எழுதணும். பிரமாதமான சவால் அது!’

‘உண்மைதான்’ என்றார் அவர். ‘ஆனா இது ஒண்ணும் புது விஷயம் இல்லை. இந்தமாதிரி மேட்டர், சொல்லப்போனா இதைவிட சிக்கலான சவால்கள் தமிழ்ல ஏற்கெனவே இருக்கு.’

‘எதைச் சொல்றீங்க?’

‘நிறைய இருக்கு, உதாரணமா, கட்டளைக் கலித்துறைன்னு ஒரு பா வகை, 4 வரிப் பாட்டுல ஒவ்வொரு வரியையும் எண்ணி 16 அல்லது 17 எழுத்துல முடிக்கணும்.’

‘அதாவது, புள்ளி வெச்ச எழுத்துகளை நீக்கிட்டுச் சரியா 64 அல்லது 68 எழுத்துகள்ல சொல்ல வந்த விஷயத்தைக் கச்சிதமாச் சொல்லி முடிக்கணும், எதுகை, மோனை இருக்கணும், சந்தமும் சரியா வரணும், கவிதைக்குரிய அழகும் குறைபடக்கூடாது.’

‘இப்ப சொல்லுங்க, கட்டளைக் கலித்துறையைவிடவா உங்க ட்விட்டர் சவால் கஷ்டம்?’ என்று முடித்தார் அவர்.

அவர் சொன்னதற்காக, கடந்த 2 நாள்களாகக் கட்டளைக் கலித்துறை ஒன்றை எழுத முயற்சி செய்கிறேன், பெண்டு நிமிர்கிறது. இன்னும் ஒன்றரை வரி கடந்தபாடில்லை. தமிழ்ப் புலவர்களை எண்ணி எண்ணி (pun intended ;) வியக்கிறேன்.

***

என். சொக்கன் …

01 10 2012

19 Responses to "ட்விட்டர் என்ன புதுசா?"

உங்களுக்கே சிரமம் என்றால்…….🙂

amas32

பாஞ்சாலி சபதம். I rest my case.

நாலு சீர்களிலேயே எழுதிப் பழகியதால் இது பிடிபட நேரமாகிறதே தவிர வேறொன்றுமில்லை.

ரொம்ப எல்லாம் எண்ண வேண்டாம். தளை தட்டாமல் நாலு ஈரசை + ஒரு விளங்காய்ச்சீர் போட்டா 16 /17 கணக்குத் தப்பாது.

சீக்கிரமே கட்டளைக் கலித்துறை ப்ராப்திரஸ்து!

அது என்ன “கட்டளை” கலித்துறை?

அரச கட்டளையா?
கோயில் பிரசாதம் – வெண்பொங்கல் கட்டளையா?:))

சேல்பட் டழிந்தது செந்தூர் வயற்பொழிற் – தேங்கடம்பின்
மால்பட் டழிந்தது பூங்கொடி யார்மனம் – மாமயிலோன்
வேல்பட் டழிந்தது வேலையும் சூரனும் – வெற்புமவன்
கால்பட் டழிந்தது இங்கென் தலைமேல் அயன் கையெழுத்தே!

எழுத்தை எண்ணி எண்ணி எழுதணும் -ன்னு இல்ல!
* ட்விட்டரில், அதுவே கீழே காட்டி விடும் – இன்னும் எத்தனை எழுத்து பாக்கி இருக்குது-ன்னு:)
* அன்னிக்கு என்ன பண்ணி இருப்பாங்க? No software, just formula:)

வெண்டளையும்
+ ஈற்றில் விளமும் (விளங்காய்ச் சீர்)
அமைந்து எழுதினால் இந்த எழுத்து எண்ணிக்கை
தானே அமையும்:)

இது போல், இவ்வளவு எழுத்து தான் வரணும் -ன்னு வச்சி வச்சி விளையாடுவதும் ஒரு விளையாட்டு:)
கருத்தாழம் அதிகம் இருக்காது இது போன்ற பாக்களில்! Word Gimmicks!:)

ஆனால் சில பாக்களில், மிக்க ஆழமும் + அதே சமயம் இப்படி எழுத்தெண்ணிக்கையும் அமைந்து விடுவதுண்டு!
அப்படி அமைந்ததுது தான் 63 நாயன்மார்கள் கதை சொல்ல வந்த திருத்தொண்டர் புராணம் (பெரிய புராணம்)

முதல் பாட்டில் = 63 எழுத்துக்கள்!:)
63 நாயன்மார்கள் என்பதால்!

ஒற்றையெல்லாம் நீக்கி, எழுத்தெண்ணினாத் தெரியும் என்று சொல்லுவர்!

வெண்பா விரைவினில் நன்றாய் எழுதிட நன்குருவாய்
என்போல் இளையரும் அன்றே விளங்கிட நூல்படைத்தார்
எண்ணித் துணிகிற செய்யுள் வகையிதை நான்படைக்க
அண்ணன் இலவச கொத்தன் அருளதை வேண்டுவனே

Success :))

கலித்துறைப் பாஅது கஷ்டமே இல்லை எளிதெனவே
சலிப்பது இன்றிச் சகலமும் சொல்லி விளக்குகிறீர்
மலிவறு பாக்கள் மழையெனப் பெய்து இணையமெங்கும்
ஜொலித்திடச் செய்கிறேன், ஜோராய் விஷயம் புரிந்ததுவே!

இது என்னுடைய முயற்சி சரியா என்று பாருங்கள்

தாளென் பதும்அமை தோளென் பதுங்கையில் போர்பழகு
வாளென் பதும்வர வாலென் அயர்வினைப் போக்கிடுது
சூர்மா தடிசூலச் சீரின் குளிரொடு பார்விழியின்
தார்மா லைபுணையுந் தேருறை அருள்நிறை பார்கவியே!

ஏன்யா எல்லாரும் சீரியஸா இருக்கீங்க.. ஜாலியான மேட்டர் சொல்ல முடியாதா இதுல?

பாக்கை மடக்கிப் பகட்டை உணர்ந்திடும் இந்தியாவே
யாக்கை நிலையிலை யார்க்கர் நிலையாய் இருப்பதனால்
சாக்கீர் போட்டால் சரியாய், கவனமாய் ஆளமைத்து
போக்கைத் திருப்பிப் புதுக்களம் கண்டிடு வென்றிடவே.

இன்னொண்ணு – பகார்டி ம்யூஸிக் சிடியாமே? விளம்பரிக்கிறார்கள்:

இசைக்காய் விளம்பரம் எத்தனை எத்தனை காட்டுகிறார்
பசையாய் அழகியர் சிற்றுடை உடுத்தியே ஒட்டுகிறார்
வசையாய் வருகுது வாயில் வெறுப்பொடு வெஞ்சினமாய்
அசையா மதியோ எமக்கு அறிவோம் சரக்கெனவே!

போனமுறை போட்டதில் தளை தட்டுதுன்னு சொன்னாங்க. இது சரியா வருதான்னு பாருங்க

தாளென் பதும்அமை தோளென்
பதுங்கையில் போர்செயிக்கும்
வாளென் பதும்வர வாலென்
அயர்வினைப் போக்கிடுதே
சூர்மா தடிசூலச் சீரே
குளிரொடு பார்விழியே
தார்மா லைபுணையுந் தேருறை
அருள்நிறை பார்கவியே!

முந்தி போட்டதும் தட்டுது. இதப் பாருங்க.
தாளென் பதும்அமை தோளென் பதுங்கையில் போர்செயிக்கும்
வாளென் பதும்வர வாலென் அயர்வினைப் போக்கிடுதே
சூர்மா குறைஅருட் சீரே குளிரொடு பார்விழியே
தார்மா லைபுணையுந் தேருறை ஒளிர்பொலி பார்கவியே!

எண்ணி எழுதிட இங்குமே தேவை இருப்பதில்லை
தண்ணியும் பட்டது போல்தான் இதுவும் உனக்கினிமே
கண்ணி தொடர்ந்திடும் கண்ணியாய்ச் சொற்களைக் கொண்டுநீயும்
கண்ணா எழுதிக் குவிப்பாய் கலித்துறை கட்டளையே

சிந்திடும் வெண்மணி சிப்பியில் ஆகுமே முத்துகளாய்
அந்தியில் சந்திரன் அற்புதம் செய்யுமே நித்திலமாய்
சந்தினில் வந்து சடுதியில் சென்றிடும் உன்முகமோ
எந்தன் மனத்தினை எப்படி வாட்டுது கண்மணியே

அருள்செல்வன் ட்விட்டர்ல சுட்டிய இந்த விதிகளிலிருந்து தொடங்கினதால் அப்பிடியே எழுதிட்டேன். அப்புறம் தான் இங்கே வந்தேன். (நேரசையில் தொடங்கியப்போ 10 எழுத்துகள் என்ற விதியில்):

பண்ணி லிங்கே சொல்ல வந்தேன் கந்த னருளை வள்ளி மணாளனெந்தன்
எண்ணங் கொண்ட வேடன் செந்தூரில் சி றுவன்வந்து அவனருளையேநான்
வண்ணமாயப் பாமாலை கோத்திட என்னைப் பணித்து பக்தியாம்பூங்
கண்ணியொன்று இட்டான் அவன்தன் தாள் பணிந்து நாளும் நானே போற்றுவனே!

அதுலயும் ஒரு தப்பு இருக்குதான். சின்ன மாற்றத்தோடு,
தாளென் பதும்அமை தோளென் பதுங்கையில் போர்செயிக்கும்
வாளென் பதும்வர வாலென் அயர்வினைப் போக்கிடுதே
சூர்மா குறைஅருட் சீரே குளிரொடு பார்விழியே
தார்மா லைதொங்கிய தேருறை ஒளிர்பொலி பார்கவியே!

இராவணன் உயிரோடிருக்கையில், அவன் சபையில்,
புலவனாகிய நான் சென்று, அவனை அழைப்பதாய் கற்பனை செய்து பாடியது.

கட்டளைக் கலித்துறையில் அமைந்த பாடல்

வானுறை தேவரை வெட்கிடச் செய்திடும் வில்லவனே
தேனுறை வீணையில் துள்ளிசை பாடிடும் வல்லவனே
மானிழைக் கண்ணியை மாசறு பொன்னெனக் காப்பவனே
ஊணினை வாட்டிடும் உன்னதக் காதலன் ராவணனே

கடைசி இரு அடிகளுக்குப் பொருள்:
மான் போன்ற கண்களுடைய பெண்ணை (சீதையை) மாசு இல்லாத பொன் போல பாதுகாப்பவனே (தனியாக வனத்தில் தானே வைத்திருந்தார் தலைவர்)
சீதையின் உடலை கோபத்தாலும், ராமனின் உடலை தாபத்தாலும், படிப்போர் உடலை சோகத்தாலும் வாட்டும் காதலன் இராவணன்

சங்கரு பெனாத்தலு சொக்கனு எலவசம்
கேயாரெஸு டகால்டி கெக்கெபிக்குனி ராகவஞ்சி
எட்டுபேரு நீங்கல்லாரும் என்னென்னவோ சொல்லிட்டீங்க,
என்னத்தய்யா நாஞ்சொல்லுவேன் எதுவுமெனக்குப் பிரியல

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Disclaimer

The opinions expressed here are the views of the writer and do not necessarily reflect the views and opinions of the Organization He works for / belongs to.

இங்கே உங்களுடைய மின்னஞ்சல் முகவரியைத் தட்டிவிட்டால், இந்த வலைப்பதிவில் புதுக் கட்டுரைகள் வெளியாகும்போது அவை உடனுக்குடன் உங்கள் ஈமெயிலில் வந்து நிற்கும்

Join 492 other followers

என் மற்ற வலைப்பதிவுகள்

என் புத்தகங்களை வாங்க … (விளம்பரம்)

கொஞ்சம் பழசு

ஹையா, ஜாலி ஜாலி!

இதுவரை

  • 417,662 வருகைகள், நன்றி!

365பா

நான் தொடர்ந்து எழுதிவரும் இன்னொரு வலைப்பதிவு:

ட்விட்டரில் என்னைப் பின் தொடர்க (ஆஹா, இதுவல்லவோ தமிழ்!)

திரட்டிகள்





Tamilish

For தமிழ் People



தமிழில் எழுத உதவும் எளிமையான, இலவச மென்பொருள்கள்

October 2012
M T W T F S S
« Aug   Nov »
1234567
891011121314
15161718192021
22232425262728
293031  
%d bloggers like this: